ကေလး ကေလးျခင္း ဆြဲေနၾကတာ ကေလးကားတဲ့ ၾကည့္ရန္နွိပ္ပါ ကြန္မန္႔ Ok

ၾကည့္ရန္ႏွိပ္ပါ

ရာသီဥတု ပြောင်းလဲလာမှုနဲ့ ပတ်သက်တဲ့ အမေရိကန်အစိုးရရဲ့ သဘောထား ပြောင်းလဲဖွယ် ရှိတယ်လို့ အမေရိကန် သမ္မတ ထရမ့်က အရိပ်အမြွက် ပြောကြားလိုက်ပါတယ်။

Bastille နေ့ အထိမ်းအမှတ် အခမ်းအနား မတိုင်ခင် ပဲရစ်မြို့မှာ ပြုလုပ်တဲ့ သတင်းစာ ရှင်းလင်းပွဲမှာ သမ္မတ ထရမ့်က လွန်ခဲ့တဲ့ သီတင်း၆ပတ်လောက်က အမေရိကန် နှုတ်ထွက်ခဲ့တဲ့ ပဲရစ် သဘောတူချက်နဲ့ ပတ်သက်လို့ တခုခု ဖြစ်လာနိုင်ဘွယ် ရှိတယ်လို့ ပြောသွားပါတယ်။

အိမ်ရှင် ပြင်သစ် သမ္မတ Emmanuel Macron က အဲဒီ ၂၀၁၅ ပဲရစ် သဘောတူချက်ထဲ ပြန်ပါဖို့ သမ္မတ ထရမ့်ကို သူစည်းရုံး ပြောနိုင်ဖို့ မျှော်လင့်ထားတယ်လို့ ဆိုပါတယ်။

အဲဒီ သဘောတူချက်ထဲကနေ အမေရိကန် နှုတ်ထွက်ခဲ့တဲ့အတွက် ပြီးခဲ့တဲ့ သီတင်းရက်ကုန်ပိုင်းမှာ ကျင်းပခဲ့တဲ့ G20 ထိပ်သီးဆွေးနွေးပွဲမှာ သမ္မတထရမ့် တယောက် ဖယ်ကျဉ်တာ ခံခဲ့ရပါတယ်။

အရင်တုန်းကတော့ သမ္မတ ထရမ့်က ဒီသဘောတူချက်ဟာ အမေရိကန် စီးပွားရေးလုပ်ငန်းတွေအပေါ် တရားမျှတမှု မရှိဘူးဆိုပြီး ပြန်ညှိနှိုင်းချင်တယ်လို့ ပြောပါတယ်။

ဒီသတင်းကို ဝေမျှပါ။ ဝေမျှခြင်းအကြောင်း